انجازات حسام حسن كمدير فنى ......

حسام حسن

حسام حسن بدأ تدريب يوم 1 مارس 2008 بعد اعتزاله مباشرة وبدأ مدير فني ، وتولى تدريب المصري اللي استلمه وكان على أعتاب الهبوط

بعد أول 18 ماتش كسب 3 ماتشات بس وتعادل 7 وخسر 9 ماتشات كان اخد 16 نقطة من 54 بنسبة 29 % من النقاط وفقد 41 نقطة وكان في المركز 15 وقبل الاخيرحسام استلم الفريق بنفس اللاعيبة بدون ولا صفقة جديدة في اول تجربة تدريبية ليه لعب 12 ماتش كسب 4 وتعادل 6 وخسر ماتشين فقط ، وحصد 18 نقطة من 36 نقطة يعني بنسبة 50 % يعني ضعف المدرب اللي قبله ، وانهى المصري الدوري في المركز التاسع في منتصف الجدول بعيد تماما عن ثلاثي الهبوطحسام بالفريق اللي كان بينافس على الهبوط ده وفي أول تجربة تدريبية ليه كسب الزمالك في القاهرة 2-1 وكسب الاهلي بجيله الذهبي في بورسعيد 2-02- تاني موسم تولى تدريب المصرية للاتصالات في 2009 في منتصف الموسم ، مسك الفريق كان لعب 21 ماتش كسب 4 ماتشات وتعادل 8 وخسر 9 ماتشات يعني جمع 20 نقطة من 63 نقطة بنسبة 31 % وفقد 43 نقطة ، حسام مسك الفريق بيصارع الهبوط لعب 9 ماتشات فقط كسب منهم 3 وتعادل 3 وخسر 3 من الاهلي والاسماعيلي وانبي خد 12 نقطة من 27 بنسبة 45 % أعلى بكتير من اللي قبلهالاتصالات قبل حسام كان كل الناس قالت انه أكيد هيهبط لكن هو رجعه للمنافسه وهبط في الاخر بفارق نقطة واحدة فقط عن غزل المحلة وبترول اسيوط ، بس هبط ازاي بقى ؟؟ حصل 3 حاجات غريبة هما اللي خلوا الاتصالات يهبط ، الماتش القبل الاخير لبترول اسيوط كان مع الزمالك في القاهرة وخلص تعادل سلبي بشكل غريب والزمالك كان بيلعب مريح في الماتش ده لانه انهى الموسم المركز السادس ومكانش عنده اي طموح فجاملوا بترول اسيوط ، واخر ماتش للمحلة كان مع الاتحاد السكندري اللي كان ضمن الهبوط فلعبوا مريحين قدام المحلة ولاد العم والاتحاد خسر 2-0 ، وفيه ماتش للاتصالات مع طلائع الجيش الاتصالات كان كسبان 2-1 الحكم ادى 5 دقايق وقت بدل ضايع والجيش تعادل في الدقيقة 96 والتلات ماتشات دول تحديدا اللي كان فيهم عوامل خارجية كانوا سبب هبوط الاتصالات ولو ماتش واحد منهم بس كان فيه عدل مكانوش هايهبطوا3- تالت تجارب حسام حسن كانت مع الزمالك موسم 2009-2010 ، الزمالك بدأ الموسم بداية ولا أسوأ أول 10 ماتشات تحت قيادة كل من السويسري ميشيل دو كاستال (3 ماتشات) والفرنسي هنري ميشيل (7 ماتشات) ، الزمالك اول 10 ماتشات حقق 3 انتصارات فقط وتعادل مرتين وخسر 5 ماتشات (انتوا متخيلين ؟!) الزمالك من 30 نقطة حصد 11 نقطة فقط بنسبة 36% وفقد 19 نقطة كاملة واحتل الزمالك المركز 13 من 16 فريق وكان قريب جدا من الهبوط لأول مرة في تاريخه !!حسام حسن استلم المهمة المستحيلة وتاني ماتش ليه على طول كان مع الاهلي المتصدر وتعادل سلبيا ، والدور التاني كان كسبان الاهلي بالفريق التعبان ده 3-2 وبركات تعادل للاهلي في الدقيقة 93 ، حسام مع الزمالك في الموسم ده لعب 20 ماتش كسب 13 وتعادل 5 وخسر ماتشين فقط منهم أول ماتش بعد ما مسك بيومين فقط ومكانش لسه عارف الفريق والماتش التاني خسر في الدقيقة 93 ، حسام جمع مع الزمالك 44 نقطة من 60 بنسبة 73 % ، وانهى الدوري في المركز التاني بعد الاهلي بعشر نقاطالاهلي اخد الدوري بـ65 نقطة من 90 يعني بنسبة 73 % برضه نفس نسبة نقط الزمالك مع حسام حسن باضعف قايمة في تاريخه ، يعني لو دو كاستال او هنري ميشيل مكانوش ضيعوا 19 نقطة في اول 10 ماتشات وكانوا ضيعوا 8 بس منهم كان الزمالك خد الدوري ، او لو حسام حسن مسك الزمالك من اول الموسم بنفس المعدل كان اخد الدوريعلى فكرة قايمة الزمالك في الموسم ده كانت بتضم عمرو الصفتي واحمد غانم سلطان وصبري رحيل وحازم امام الصغير وعمرو عادل وسيد مسعد وريمي مارسيل اديكو ورحيم أيو وأحمد عبد الرؤوف وشريف أشرف وأحمد جعفر وأحمد فتحي بوجي وحسام عرفات والاهلي كان في عصره الذهبي جيل الاهلي كان فيه ابو تريكه وبركات ووائل جمعه وسيد معوض واحمد فتحي وحسام عاشور وحسام غالي واحمد حسن وجيلبرتو وفلافيو واحمد بلال وعماد متعب ، وحسام لعب مع الأهلي ماتشين في الدوري الموسم ده الاتنين تعادل واحد 0-0 وواحد 3-3 والزمالك كان كسبان 3-2 لحد الدقيقة 93 والأهلي كان بنفس كوكبة النجوم وكان بيدربه مانويل جوزيه والزمالك نافس على الدوري لحد اخر جولتين وخسر الدوري بفارق 5 نقاط فقط ، ولعب ماتشين مع الاهلي بكامل نجومه وبجوزيه في الموسم ده برضه الاتنين خلصوا تعادل واحد 0-0 والتاني 2-2 وكان الزمالك كسبان 2-1 والاهلي تعادل في الدقيقة 84 !!

اعداد الكاتب خالد طلعت

انتظرو الجزء الثانى