بايرن ليفركوزن مع الونسو يحقق المستحيل فى ختام البوندسليجا

بايرن ليفركوزن

فى ختام مباريات الدورى الالمانى اليوم السبت استطع فريق بايرن ليفركوزن بقيادة تشابى الونسو المدير الفنى للفريق تحقيق الفوز على فريق أوجسبورج بهدفين مقابل هدف واحد .

وبهذه النتيجة رفع ليفركوزن رصيده من النقاط الى 90 نقطة وبفارق 17 نقطة عن الوصيف شتوتجارت

وفى الموسم الاعجازى حقق ليفركوزن الفوز فى 28 مناسبة وتعادل فى 6 مواجهات فقط ولم يتلقى اى هزيمة .

استطاع الونسو ان يكتب ما يصعب تحقيقه يفوز بالدورى الاول فى تاريخ النادى ويكون دورى اللاهزيمة .

تشابي ألونسو قرر ان يوم ما باير ليفركوزن يكسب اول دوري ألماني في تاريخه ، فيكون الدوري الاعظم في مسيرة النادي

حتي لو ليفركوزن كسبت الدوري بعد كدة 10 مرات كمان ، لكن الدوري الاول ده هو اللي هيخلد في ذاكرة النادي و جماهيره للابد

عشان ألونسو خلي ليفركوزن اول فريق في تاريخ البوندسليجا يكسب الدوري بدون اي هزيمة ، الجزئية دي معملهاش العملاق بايرن ميونيخ ذات نفسه و يا عالم حد هيعملها تاني بعدهم ولا لا

تخيل يبقي تاريخ تأسيسك في 1904 و يبقي اول دوري في تاريخك بعد 120 سنة و اول دوري ده يكون دوري اللا هزيمة ، واو حقيقي ، لحظة تاريخية

عشان كدة الدوري ده مش بس هيخلد في أذهان كل ما يتعلق ب ليفركوزن ، لا ده رقم هيخلد في أذهان الالمان كلهم سواء ينتمي الي ليفركوزن او لا ، دوري اتحط فوق رؤوس كل الدوريات اللي اتلعبت قبل كدة ، في قمة الهرم من الاخر

دوري لا هزيمة ، ٥١ مباراة متتالية بدون هزيمة و هو اعلي رقم في اوروبا ، نهائي الكاس ، نهائي الدوري الاوروبي ، سجل ٨٩ هدف في الدوري و ١٤٦ هدف في كل البطولات ، نسخة من افضل النسخ اللي جات في تاريخ الاندية الاوروبية

تشابي ألونسو ، عندما تتجسد الاحلام التي حكم عليها سابقا " بالمستحيل "