مانشستر سيتى يرصد ميزانية ضخمة للتعاقد مع صفقات نارية

جوارديولا

رغم تحقيق مانشستر سيتى لدورى ابطال اوروبا الموسم السابق وتحقيقه للدورى الانجليزى مرات عديدة وفى طريقه لحسم لقب البريميرليج الموسم الحالى الا ان ادارة مانشستر سيتى رصدت ميزانية ضخمة للتعاقد مع الصفقات التى يرغب فى ضمها المدير الفنى الاسبانى جوارديولا

وعلى هذا فان ميزانية مانشستر سيتي لموسم الانتقالات القادم هي 220 مليون باوند !!

الإدارة وافقت على الميزانية دي اليوم ، والأهداف جناح وأرتكاز ولاعب خط وسط وأعتقد ربما ظهير !

مانشستر سيتي بيصعبها أكثر وأكثر على منافسيه كل مرة وده شيء لا يلاموا عليه بصراحة ، الرغبة في النجاح شيء كويس جدًا

لكن تخيل نفسك نادي بينافسهم ، هما سابقينك بمشروع أقدم واستقرار أكبر وعندهم عناصر أفضل ، فأنت بتحاول تقلل الفجوة

وهنا تكمن المشكلة إنهم بيحاولوا يوسعوها ، بمعنى لو السيتي هيتعاقد مع 3 لاعبين سوبر فأرسنال محتاج يتعاقد مع 5 لاعبين سوبر

لو السيتي هيصرف 220 مليون باوند فأرسنال عشان يقلل الفجوة محتاج يصرف 300 مثلاً

طبعاً ده مش واقعي ومش هيحصل.

لكن أنت هتقول أرسنال صرف 200 مليون وخسر الدوري؟ طيب ما الفريقين بادئين من نقطتين مختلفين

اتنين بدأوا السباق واحد سابق خصمه ب 20 متر ورغم إنهم بيركضوا بنفس السرعة العالية فطبيعي إن اللي بدأ سابق في البداية هيوصل الأول.

وهنا مش تبرير لخسارة أرسنال أو ليفربول الدوري قبله لإن الفلوس والجودة مش كل شيء.

في أمور فنية كثيرة ممكن نتكلم عنها هي اللي بتساعد السيتي في النهاية يفوز بالألقاب.